Pasa den martxoaren 9an Lesakako VI Mendi Lasterketa ospatu genuen, dortsal guztiak agortuta, inoiz partehartzerik handiena izan genuen. Irteeran 272 korrikalari izan genituen eta horietatik 268k bukatu zuten lasterketa.

Azkarrena Iruñeako Xabier Macias izan zen, 1.10.38ko denbora eginez. Bigarren, Aimar Otxoteko lesakarra izan zen (1.12.40) eta hirugarren, Beñat Albisu amaiurtarra (1.13.44).

Emakumeen sailkapenean, Iruñeko Uxue Loizu (1.31.09) nagusitu zen, Arribeko Izar Amundarain izan zen bigarren (1.33.25) eta Azpeitiko Olatz Salaberria hirugarren (1.33.48).

Emakume beteranoen podiuma honako hauek osatu zuten: Iruñeko Beatriz Martinez izan zen bizkorrena (1.49.30), Lourdes Mitxelena lesakarra bigarren (2.08.12) eta Idoia Bereau igantziarra hirugarren (2.08.12).

Gizonezko beteranoetan berriz, Joseba Lasarte beratarra nagusitu zen (1.23.10), Juan Karlos Korta irundarra bigarren (1.27.24) eta Igor Ortiz irundarra hirugarren (1.28.15).

18 urtez azpikoen sailkapenean ez genuen emakumerik izan beraz, gizonetan, Lur Ocon hernaniarra izan zen bizkorrena (1.28.39).

Beti Gazteko bazkide onenen artean Aimar Otxoteko eta Mayi Arriola (1.41.24) nabarmendu ziren.

Azkenik, taldeko sailkapenean, Hiru Herri Trailek berretsi zuen pasa den urteko garaipena.

Zorionak irabazleei eta mila esker parte hartu zenuten guztiei, baita bolondres bezala lagundu zenuten guztiei ere. Azkenik, mila esker babesle guziei ere, zuek gabe ezinezkoa izanen litzateke horrelako proba bat antolatzea!