Behin uda pasatua urtero bezala Beti Gazte elkartetik ARGAZKI LEHIAKETA 2018 antolatu dugu.

Parte hartzeko 667 605 294 edo 690 778 245 zenbakietara deitu beharko da. Nahi duten afizionatuentzat irekia da, gai librea, eta sari berezi bat egongo da kirol argazkirik hobenarentzat.

Egile bakoitzak gehienez 3 argazki aurkezteko aukera izango du. Argazkia paperean aurkeztu beharko du (zuri-beltzean edo kolorean). Argazkiarekin batera, CD bat bidali beharko da, aurkezturiko argazkiak edudkiko dituena JPEG formatu digitalean, 300 p.p.p.ko bereizmen minimoarekin. Argazkien neurria librea da, baina ezin izanen dituzte kartulinazko edo antzeko euskarriaren nerurriak, gehienez 30×40 cm-koa izango da. Baldintza hauek betetzen ez dituzten argazkiak lehiaketatik kanpo geldituko dira.

Bakarrik argazkiaren gibeleko aldean lanaren izenburua idatzia dituzten lanak onartuko dira. Gainera, bertze kartazal itxi batean, egilearen izena, helbidea, telefonoa, posta elektronikoa eta aurkeztu dituen lanen izenburuak adierazi beharko dira.

Lanak Beti Gazte Elkartearen egoitzara bidali behar dira: Beheko Plaza, 9, 31770 LESAKA – Nafarroa.

EPEA: 2018ko URRIAREN 29 ARTE.

Sariei dagokionez:

  • 1go saria: 350€ eta trofeoa
  • 2. saria 250€ eta trofeoa
  • Herriko egileen artean argazkirik hobenari, 200€ eta trofeoa.
  • Sari berezia kirol argazkirik hobenari, 200€ eta trofeoa.

Epaimahaia antolatzaileek izendatuko du eta honen erabakia apalaezina izanen da. Erabakia ezagutzera emanen da erakusketa irekitzen den egunean. Argazkiak ikusgai egonen dira 2018ko azaroaren 9tik abenduaren 2ra. Sarituei erabakiaren berri emanen zaie pertsonalki. Egile bakoitzak bakarrik sari bat eskuratu ahal izanen du.

Saritu gabeko argazkiak egileei itzuliko zaizkie, erakusketa bukatu eta hurrengo egunetan. Antolakuntza ez da erantzule eginen aurkezturiko lanak galdu edo hondatu egiten badira. Saritutako argazkiak Beti Gazterentzat geldituko dira, honek erabili ahal izanen ditu promozionatzeko irabazteko asmorik gabe egile nor den aipatuta.

OHAR GARRANTZITSUA: lehiaketa honetan parte hartzeak berarekin darama oinarriak erabat onartzea. Edozein ustekabe gertatuz gero, batzorde antolatzaileak erabakiko du.