Ekaina ailegatu zaigu eta horrekin batera Beti Gazteko 10 futbol taldeen denboraldi bukaera. 160 jokalarik baino gehiagok botak alde batera utziko dituzte abuztua-iraila arte, orduan pretenporada prestatzen hasiko dira eta.

10 taldeetatik gehiengoak Gipuzkoako Taldeekin aritu dira lehian,  Futbol 8ko emakume taldea, alebinak eta benjaminak izan ezik, hauek Nafarroako taldeen aurka aritu baitira.

Orokorrean denboraldiaren balorazioa hagitz ona da, hurrengo hauek izanda talde bakoitzaren ibilbidea:

OHOREZKO ERREGIONALA

Taldeak 12. postuan amaitu du denboraldia, kategoria mantenduz, 40 punturekin. Taldeko jokalarietatik, 9 lehenengo urtekoak dira, beraz gogotsu hartuko dute denboraldi berria.

EMAKUMEZKO ERREGIONALA

Guztira bi fase jokatu dituzte futbol 11ko emakumeek. Lehendabizikoan, irabazle suertatu ziren 33 punturekin. Ondotik, bigarren fasea 5. bukatu dute 24 puntu lortuta. Hagitz lan ona egin du taldeak bi fasetan.

OHOREZKO JUBENILAK

Beti Gazteko jubenilak 12. bukatu dute denboraldia, 30 punturekin. Maila altuko kategorian jokatu dituzten partiduak, intentsitate handiarekin. Maila mantentzea lortu dute mutilek.

KADETE LEHEN MAILA

Kadete taldeak kopako fasean lehendabiziko gelditzea lortu zuen, baina ezin izan zuen kopa Lesakara ekarri, bigarren txandan Real Unionen aurka 1-2 galdu zuten eta.

EMAKUMEZKOAK FUTBOL 8 – INFANTIL – KADETE

Beti Gazteko futbol 8ko emakumeak denboraldi ederra egin dute. Lehendabiziko fasean bigarren gelditu ziren 20 punturekin. Kopa fasean berriz, lehendabizikoak bukatu zuten denboraldia, 24 puntu lortuz. Baina, kasu honetan, ezin izan zuten kopa lesakara ekarri, Castejon A taldearen aurka finala galdu baitzuten Iruñean 5-3.

INFANTILAK

Elkarteko infantilak laugarren postuan bukatu zuten lehendabiziko fasea 21 punturekin. Kopako fasean hauek ere nahiz eta lehendabiziko postuan bukatu 24 punturekin, ezin izan zuten kopa irabazi. Idiazabal taldeak txapelketatik kanpo utzi zituen 0-1 irabaziz.

ALEBINAK

Alebin A taldea lehendabiziko fasean garaile suertatu zen 20 punturekin, baita bigarrenean ere, bertze 20 punturekin. Finala, ekainaren 2an izan zen Iruñean.

B talde berriz, hirugarren postuan gelditu zen lehendabiziko fasean 16 punturekin. Bigarrenean, lehendabizikoak gelditu ziren A taldeak baino hiru puntu gehiagorekin. Taldeak entrenatzaile berriak zituen: Ainara Otxoteko, Idoia Garde eta Izaro Aldabe.

BENJAMINAK

Hiru dira Beti Gazteko benjamin taldeak. Benjamin A, seigarren postuan gelditu zen 11 punturekin. Bigarren fasean berriz lehendabiziko, 21 punturekin. B taldea, laugarren lehendabiziko fasean 25 punturekin, eta laugarren ere bigarren fasean, baina kasu honetan 6 punturekin. Azkenik, C taldea prebenjaminez osatutakoa bigarren fasea lehiatu zuten bakarrik, hirugarren posizioan geldituz 9 punturekin.